NYDC ရဲ့ ပထမဆုံး Town Hall ဆွေးနွေးပွဲကို ၂၀၁၈ ခုနှစ် ဇွန်လမှာ ပြုလုပ်ခဲ့ပြီး အခုဆိုရင် (၉)လတာ ကြာမြင့်ခဲ့ပြီ ဖြစ်ပါတယ်။ အဲဒီအချိန်ကစပြီး အခုအချိန်အထိ ရန်ကုန်မြို့သစ်စီမံကိန်းရဲ့ တိုးတက်မှုအခြေအနေတွေကို စီမံကိန်းနဲ့ သက်ဆိုင်တဲ့သူတွေ၊ အထူးသဖြင့် အများပြည်သူတွေ သိရှိရအောင် ဒုတိယအကြိမ် Town Hall ဆွေးနွေးပွဲကို ကျင်းပသွားမှာ ဖြစ်ပါတယ်။
အခု Town Hall ဆွေးနွေးပွဲမှာ ပါဝင်ဆွေးနွေးမယ့် Panelists များက လွတ်လပ်စွာ ပြောဆိုဆွေးနွေးသွားမှာဖြစ်ပြီး အမေးအဖြေကဏ္ဍမှာလည်း သိလိုတဲ့မေးခွန်းများကိုလည်း ဖြေကြားပေးသွားမှာ ဖြစ်ပါတယ်။
Town Hall မှာ ပါဝင်ဆွေးနွေးမယ့် Panelists တွေကတော့ ဦးခိုင်ဝင်း (Founder/Director – Sandhi Governance Institute) ၊ ဦးဝင်းမျိုးသူ (Chairman, Association of Advancing Life and Regenerating Motherland-ALARM) ၊ ဦးဖြိုးဝေ (Eleven Media Group) နဲ့ ကျွန်တော်အပါအဝင် လေးယောက် ဖြစ်ပါတယ်။
Town Hall Moderator အနေနဲ့ ဦးသူရကိုကို (Managing Director – YGA Capitals) ကပါဝင်ဆောင်ရွက်သွားမှာ ဖြစ်ပါတယ်။ ဦးသူရကိုကိုဟာ နေပြည်တော်မှာ ပြုလုပ်ခဲ့တဲ့ Invest Myanmar Summit 2019 ရဲ့ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနဝန်ကြီး ဦးသောင်းထွန်းနှင့် ဆွေးနွေးပွဲမှာလည်း moderator အနေနဲ့ ပါဝင်ခဲ့ပါတယ်။
ဒီ NYDC Town Hall ဆွေးနွေးပွဲကို စိတ်ပါဝင်စားသူ မည်သူမဆို တက်ရောက်နိုင်ပြီး တက်ရောက်ဖို့လည်း ဖိတ်ခေါ်ချင်ပါတယ်။
NYDC Town Hall 2
နေ့ရက် – ၆.၃.၂၀၁၉ (ဗုဒ္ဓဟူးနေ့)
အချိန် – ညနေ (၅.၃၀) မှ (၇.၃၀)အထိ
နေရာ – မင်္ဂလာခန်းမ၊ UMFCCI၊ မင်းရဲကျော်စွာလမ်း၊ လမ်းမတော်မြို့နယ်
တက်ရောက်လိုသူများအနေနဲ့ [email protected] သို့မဟုတ် 01-2306377 သို့ဆက်သွယ်၍ စာရင်းပေးသွင်းနိုင်ပါတယ်။
လေးစားစွာဖြင့်
သိမ်းဝေ@Serge Pun